Rinawmna

-

Khawpui pakhat-ah hian Chhungkaw pakhat vantlang aia hnuaia awm hi an awm a, chu khawpui-ah chuan motor nei lo chhungkaw awm chhun an ni nghe nghe a, Bawngtawlailir hmangin an vei vak ve mai thin a ni.
 
Fela    - Anu,  a zahthlak e!

Nu     - Eng chu maw zahthlak i tih, Bawihte?

 
Fela   - Kan rethei si! Kan khua-ah hian keimahni chauh motor nei lo kan ni a, vawiin kan bazar kal te khan , thian ten motor nalh tak takin min tlan pel a, school-ah te hian thiante hian min en hrang deuh thinin ka hria.
 
Nu     - Bawihte, hetiang reng chu kan ni bik lovang, i zirna-ah te theihtawp i chhuah ang a, kan chhungkaw hmakhua tak tak i ni tih i hrereng dawn nia.
          Dik leh Rinawm taka nun hi Hausakna dik a ni a, Tlemte nei chung pawha lungawi taka nun thiamna hian chhungril nun a ti hausa a, vanah ro kan khawl khawm thei zawk a nia.
          Khawnge i pa pawh a rawn haw dawn tawh ang, thingpui kan lo lum ang e!
 
Fela   - Anu, keipawh lehkha ka zir dawn nia ….
 
LIVING ROOM SOUND – Fela lehkha zir Backround Sound
 
(Pa a lo haw a …….)
Nu     - E A Pa, i lo haw a…..
 
Fela   - Yesss!! Apa a lo haw e…..A pa Apa engnge min lo hawn?
(Apa chuan Thlawhna lem a hawn sak a, a khal nghal a)
 
Pa      -  Vawiin chu nidang aiin kan bang hma deuh…hlawh te kan la ve a,
 
Nu     - A va lawmawm ve aw! Chawhmeh leina tur pawh ka lo phang deuh tawh a…
 
Pa      -Bawiha ni te ka rawn kan haw a, damdawiin kal a ngai sia, Rs500/- ka pe ve mai
 
Nu     -Chhungkua inpeizawn theia kan awm chu a lawmawm alawm. Hei ai hian i hlawh hi chu han tam deuh se, nasa zawk pawhin kan luang chhuak thei tur ania…
          Thu hahdam rawh thingpui kan siam ang e..
 
Pa      - Zanin kha kan lucky ticket cut thum vawr zan kha nia
 
Nu     - A! Lucky ticket te i lo cut alaw?
 
Pa      - Nia, office-ah an lo zuar a,  Prize kha car ania, a to lem lo bawk a, ka lo cut ve a
 
Fela   - Apa! Eng maw i sawi kha! Car i tia law!
 
Pa      - A…Bawiha, nia lucy ticket ka cut a, zanin hi vawr hun a nia..
Fela   - Yesss… ka kal ve dawn!!! Apa man ila ka va ti tak. Ka tawngtai nghal dawn….
 
LUCKY TICKET THUM VAWRNA
 
Host   - Zanin-a kan Lucky ticket Prize Car min sponsortu Pu Thangmawia & Sons, Biak In chhak te chungah lawmthu kan sawi tak meuh a, Zanin-a kan car nena hawng tur chu Pi…… in hrechak em??
 
Fela   - Lalpa apa dawn tir rawh aw! Aw Lalpa Khawngaihin, heta awm zawng zawng hi chuan car an nei vek tawh, keimahni chiahin kan la nei lo… Khawngaihin min dawn tir rawh aw!! (A lo tawngtai char char a)
 
Host   - Car nena hawng tur chu ….. Pu Lalrinawma a ni e….. kan lawmpui e…
 
Fela   - Yessss Yeesssss! Car kan nei ve  ta….. Yesssss… Tlan haw nghal ang….
 
Pu Rinawma chuan car chu a khalh haw nghal a
 
IN AN THLENG CHIAH
 
Fela   - Anu, Apa a lo thleng tawh em? Car kha kan dawng ania….
            Anu, Ngatinge apa saw!!
 
Nu     - Bawihte, ipa hian thil dik leh dik loh chungchangah thutlukna siam ngai a nei a, a rilru a buai a nih saw! va tibuai suh…
 
Fela   - Eng thil dik leh dik lo nge?
 
Nu     - I pa car manna ticket no kha office-a apu tana a cut sak ania, ama hming thoin a ziah tir a, pencil-in a tlangah a pu ta tur chu a chhinchhiah a ni.
 
Fela   - Anu, a ho e!! Apa te office-a an pu te chuan in-ah leh office-ah car khalh sen loh an nei a, keinin pakhat pawh kan nei loh hi… A chhinchhiahna chu thaireh mai se…. A ho e a….Nu
 
Nu     - I pa hian thutlukna diktak a siam ngei ang….
 
Pa      - Sir, Zanin-a car ka dawnna ticket kha nangma tana ka cut zawk a lo ni a…. remchan hunah in lo la dawn nia…
 
………………………………………………………..
 
A tuk zingah chuan motor chu an rawn la a ta a……….
Pathian zarah kan chhungkua pawhin mamawh tlachham lovin inhmangaih takin hun kan hmang ve zel a, Ka nu hian phak ang tawk leh neih ang tawk zela lungawi turin min fuih thin a.
 
Ka lo len deuh chuan college kalin, ka nun min fuihna hna, a sang emaw a hniam emaw thawhhreh nei lo tura min fuihna te chu hrerengin ka mamawh phuhruk nan a tul angin ka inhlawh ve lawp lawp a, ka thiante anga neinung kan nih loh avangin harsatna hmachhawn tur ka nei tam tih ka hrereng a, ka manganna leh harsatna chu Isua hnenah thlenin, Anin hahdamna min lo pe thin a, ka nu leh pa’n chi anga min tuh sak, Pathian tihna chu ka vawng nung reng a ni…
 
Graduate ka zawh chuan hna zawngin  exam ka bei ve a, ka tling ve hlauh mai…
 
Tunah chuan office nuam takah kawr mawi tak nen, mahni motor-in ka kal ve ta….chhungkua pawh vantlang chungah awmin, kan hlim hle mai.
 
Mahse, hei hi ka hrilh duh che…. Kha zan ‘Ka pa’n thutlukna harsa tak siama a pu a phone zan kha kan chhungkaw hausak lai ber a ni….
 
Hringnun-a kan mamawh zawng zawng hi Pathian-ah a kim a, Kan nun hruaitu atana kan thlan chuan a hun leh a hmun dik tak zelah kan mamawh min pe thin a lo ni…. Nangpawh unau duhtak,
Isua nen, nun nuam le……

(KNP Khuanghlum unit in KNP Nite 2023-ah kan entir)

 


Comments

Post a Comment

Popular posts from this blog

Zuk Leh Hmuam Leh Kei

-
         Pathian hmangaihna duhawm tak mai chuan ka nausen tirh atangin min veng a. Zuk leh hmuam, ruihtheih thil lakah hi chuan kei anga fihlim chu tlemte an ni ang. Zu hi ka ka-ah far khat pawh a la lut lova, Dendrite pawh hi ruih tumin vawi khatmah ka la hnim lova, meizial hi naupan laia a bung kan zu ru ve thin a, ka zuk tawh zawng zawng hi zawm khawm ila, tlawn-1 chu a tling ve mahna. Tin, tuibur hi ka pu (C Thanlunga) vawi khat ka hmuam ru a, awi a hreawm ka ti lutuk.Sahdah hi vawi khat mah ka la hmuam lova, Khaini erawh hi chu Mualpui-ah bawm thar hlak ka chhar a, ka hmuam ve ngawt mai a, ka rui chu kan High School bul Sharon kungah ka mu let der mai. Ka sim chiang khawp. Ruih theih chi Damdawi pawh engmah tih ka la nei bawk lo a ni. Kuva erawh hi chu ka ei ve zeuh zeuh mai a, ka ei tawh zawng zawng hi 20 vel a ni ve tawh ang a, ka ka a sen thei lutuk, ka ei thiam hlawl lo!           Ruih theih thil,zuk leh hmuam-ah hia...
Read more

Science Exhibition ah Pahnihna

-
Dt 22-23 August 2013-ah hian Lunglei District huam chhhunga Elementary leh Scondary school-te tan  Science Exhibition buatsaih a ni a, kan school atangin Zawmpuii Cl - x chu a  tel ve a, model te buatsaihin Analysis of fat chungchang ka tihpui a ni. Tichuan, tluang takin kan nei zo va, ka rin phak piah lam leh ka beisei ruk tho si Exhibition result chu puan a ni a, Zawmpuii chu pahnihna a lo ni a, ka lawm takzet a ni. Lalpa zarah he hlawhtlinna Rawpui High School-in kan chang thei hi a va lawmawm teh lul em!
Read more

Thalai Aw Enkawl Hna

-
Ka hringnun hian malsawmna nasa tak a dawng thin a, chung zinga ka lawmna chu Thiamna Leh Hritthiamna min pek hi a ni. Kum 2012 a lo inherchhuak a, Pangzawl Bial TKP Chanchin bu 'Thalai Aw' chu kan unit (TKP) in kan enkawl a ngai a, hruaitute kaltlangin Pathianin Thalai Aw enkawl hna thawk turin min ruat a. Kan piantirh ata ka la nih ngai hauh loh Editor hna chu ka chelh a lo ngai ta a ni. C omputer thiamna-ah hian eng certificate mah ka nei lova, kum 2006 ah khan  Lunglei Polytechnic-ah IYr BSc Result ka nghah laiin Vocational Training thla 1 chhung ka zuk attend ve a.Microsoft Office application chu a ziarang deuh chu ka zuk hre ve nial nual hman a ni. Hemi hnua-ah hian College ka kal chhung leh University ka kal chhungin ka khawih chhunzawm ta lo hrim hrim a. University Computer centre-ah vawi hnih chu ka leng lut ve chauh a ni. Computer backround tam tak nei lo mah ila, Lalpa hian min duh ve a niang, mahni intumchawp zelin ka mamawh ang tawk thiamna min rawn pek b...
Read more