Hun thar atan Rahbi thar
He thu hi kum 2020 kum thar thuchah atana ka inbuatsaihna a ni a,tlai hnuhnawh-ah blogah ka dah lut a ni.
Kum 2020 kan chuang kai leh ta reng mai. Lalpa zara kan chan kum thar duhawm tak a ni tih hriain lawmthu i sawi ila, kuminah hian tisa leh thlarau-a hmasawnna kan neih theihna turin kan ngaihtuahna sengin, thahnem leh zuala ke pen turin inbuatsaih ang u. Lal Isua kan rinna kawnga min tichaktu a nih beiseiin heng a hnuaia rahbi te hi kumthar-a kan rah atan kan thailang ang e.
Kum 2020 kan chuang kai leh ta reng mai. Lalpa zara kan chan kum thar duhawm tak a ni tih hriain lawmthu i sawi ila, kuminah hian tisa leh thlarau-a hmasawnna kan neih theihna turin kan ngaihtuahna sengin, thahnem leh zuala ke pen turin inbuatsaih ang u. Lal Isua kan rinna kawnga min tichaktu a nih beiseiin heng a hnuaia rahbi te hi kumthar-a kan rah atan kan thailang ang e.
KOH TUR DIK, PATHIAN
Tum khat chu ka fapa awm thaduhlo thununin, Bathroom-ah ka khar hnan a. A mangang chu nasa takin a tap a, chhantu leh puitheitu ni awma a ngaih ho hming chu a lam nasa khawp mai. Chutianga puithei tura a ngaih hming a han lam chuan ka rilru a deng na lo hle. A tawp a tawp- ah chuan, ka hming ngei lamin ka puihna dilin min ko ta, ka hming lama a tap ri chuan ka thinlung hi na takin min chhun a, rang takin kawngka ka hawng a, ka pawm vawng vawng mai a ni.
Hringnun-ah hun harsa leh khirhkhan tawk loin kan awm lo ang. Kan rilru hliama a awm chang leh mal inti taka awm chang kan nei ngei ang. Hetiang hun kan tawn hian, koh loh tur- ruihtheih thil, zu leh sa, mipat hmeichhiatna te koin, hlimna leh inhnemna kan zawng thin. Koh tur dik tak, Pathian, kan koh hma chu Pathian hian kan lam a lo hawi lo ang. ‘Min au la, ka chhang ang che’ titu kan Pathian hian a lam kan hawi veleh min pawm turin a inpeih reng a ni tih hriain, manganna, beidawnna, lungngaihna, tahna, diriamna, kalsan, hliamna kan tawh changin, Pathian lam i hawi tlat ang u.
PATHIAN RINCHHANIN
Ringtu theuh theuh, Pathiana rinna kan nghah dan chin a inanglo hle. Harsat mangan kan tawh chang leh kan hlim lawm laia kan awmdan phung hian Pathiana kan rinchhan dan a tilang viau awm e. Hun engemaw kal ta -ah khan ka fapa chu hritlang khawsik na takin a man a, damdawiin- ah kal kan rawt laia a thusawi kha ka bengah a cham reng mai, ‘Damdawiin-ah ka kal duh lo, tawngtai ila, ka dam mai ang’ a ti rauh a, tawngtaina te neiin, engem ti lovin a dam chhawm ve mai bawk a, kan lawm hle. Ka han sawi lan duhna chhan chu mangan kan tawh chiaha mihring kan chet chhuah dan hian Pathian kan rinchhan dan a tilang a ni tih hi a ni.
Pathian hi kan nuna kan thil tawn leh tih tur hrang hrangah a lian deuh nia kan ngaih leh a te nia kan ngaih-ah pawh kan hriain, kan nun min chhiar puia, kan thiltih min tih pui a, min hruai tura sawm hi ringtu nun puitling zia a ni. Chu nun chuan Lalpa-ah chawlhna a hmu thin a, a nunah khawlum leh khawkheng lo thleng pawh nise, Lal Isua-ah zung a kaih avangin, a hnah a hring tlat thin a ni.
PATHIAN THU, TEHKHAWNG DIK
Ringtu nun puitling thei lova min siam fo thintu pakhat chu, tehkhawng dik kan hmang thin lo hi a ni. Rawngbawlna kawngah kei leh Pathian kar aiin Rawngbawlpuite leh Pathian kar kan ngaihven zawk fo thin. Mi nun hi tehkhawng-ah hmangin, chakloh phah nan kan hmang thin. Mi fel lo awm khawm zingah famkimna kan zawng a, kan hlawhchham thin. Pathian thu-in a ti a nih chuan kan zawm mai tur a nih laiin, Pathian thu aiin, midangin engtinnge an tih tih kan ngaihven zawk thin hian min vaw chau fo a; Pathian thuin fel lo taka tite awt lo tura min tih laiin kan awt
lo phal lo thin. Kan nun-ah hian Pathian thuin engtianga awm turin nge min duh tih hi tehkhawng-ah hmangin Pathian i hnaih tlat ang u.
DAN PIAH LAM THLENGIN
Juda mi thah mang vek tuma Hamaana’n hma a lak lai khan, Lalnu Estheri hnena, Mordekaia thuchah “Lal nihna i lo chan hi hetih hun atan ngei hian a ni dawn lawm ni” tih hi thil pawimawh tak a ni. He a thuchah avang hian Lalnu Estheri chuan dan pelin, a chipuite harsatna thu Lal hnen-a thlen turin Lal koh lohvin a lut tih thu ten a chhunzawm a nih kha.
Rawng kan bawlna-ah, hruaitu rawngbawlna hna kan thawhna-ah te kan inkaihhruaina angin a sawi chin ngo ngo-a mawhphurhna hlentu ni mai lovin, Krista leh kohhran tan thahnemngai takin, taima takin, dik takin, rawngbawlna fawng i vuan tlat ang u.
Tum khat chu ka fapa awm thaduhlo thununin, Bathroom-ah ka khar hnan a. A mangang chu nasa takin a tap a, chhantu leh puitheitu ni awma a ngaih ho hming chu a lam nasa khawp mai. Chutianga puithei tura a ngaih hming a han lam chuan ka rilru a deng na lo hle. A tawp a tawp- ah chuan, ka hming ngei lamin ka puihna dilin min ko ta, ka hming lama a tap ri chuan ka thinlung hi na takin min chhun a, rang takin kawngka ka hawng a, ka pawm vawng vawng mai a ni.
Hringnun-ah hun harsa leh khirhkhan tawk loin kan awm lo ang. Kan rilru hliama a awm chang leh mal inti taka awm chang kan nei ngei ang. Hetiang hun kan tawn hian, koh loh tur- ruihtheih thil, zu leh sa, mipat hmeichhiatna te koin, hlimna leh inhnemna kan zawng thin. Koh tur dik tak, Pathian, kan koh hma chu Pathian hian kan lam a lo hawi lo ang. ‘Min au la, ka chhang ang che’ titu kan Pathian hian a lam kan hawi veleh min pawm turin a inpeih reng a ni tih hriain, manganna, beidawnna, lungngaihna, tahna, diriamna, kalsan, hliamna kan tawh changin, Pathian lam i hawi tlat ang u.
PATHIAN RINCHHANIN
Ringtu theuh theuh, Pathiana rinna kan nghah dan chin a inanglo hle. Harsat mangan kan tawh chang leh kan hlim lawm laia kan awmdan phung hian Pathiana kan rinchhan dan a tilang viau awm e. Hun engemaw kal ta -ah khan ka fapa chu hritlang khawsik na takin a man a, damdawiin- ah kal kan rawt laia a thusawi kha ka bengah a cham reng mai, ‘Damdawiin-ah ka kal duh lo, tawngtai ila, ka dam mai ang’ a ti rauh a, tawngtaina te neiin, engem ti lovin a dam chhawm ve mai bawk a, kan lawm hle. Ka han sawi lan duhna chhan chu mangan kan tawh chiaha mihring kan chet chhuah dan hian Pathian kan rinchhan dan a tilang a ni tih hi a ni.
Pathian hi kan nuna kan thil tawn leh tih tur hrang hrangah a lian deuh nia kan ngaih leh a te nia kan ngaih-ah pawh kan hriain, kan nun min chhiar puia, kan thiltih min tih pui a, min hruai tura sawm hi ringtu nun puitling zia a ni. Chu nun chuan Lalpa-ah chawlhna a hmu thin a, a nunah khawlum leh khawkheng lo thleng pawh nise, Lal Isua-ah zung a kaih avangin, a hnah a hring tlat thin a ni.
PATHIAN THU, TEHKHAWNG DIK
Ringtu nun puitling thei lova min siam fo thintu pakhat chu, tehkhawng dik kan hmang thin lo hi a ni. Rawngbawlna kawngah kei leh Pathian kar aiin Rawngbawlpuite leh Pathian kar kan ngaihven zawk fo thin. Mi nun hi tehkhawng-ah hmangin, chakloh phah nan kan hmang thin. Mi fel lo awm khawm zingah famkimna kan zawng a, kan hlawhchham thin. Pathian thu-in a ti a nih chuan kan zawm mai tur a nih laiin, Pathian thu aiin, midangin engtinnge an tih tih kan ngaihven zawk thin hian min vaw chau fo a; Pathian thuin fel lo taka tite awt lo tura min tih laiin kan awt
lo phal lo thin. Kan nun-ah hian Pathian thuin engtianga awm turin nge min duh tih hi tehkhawng-ah hmangin Pathian i hnaih tlat ang u.
DAN PIAH LAM THLENGIN
Juda mi thah mang vek tuma Hamaana’n hma a lak lai khan, Lalnu Estheri hnena, Mordekaia thuchah “Lal nihna i lo chan hi hetih hun atan ngei hian a ni dawn lawm ni” tih hi thil pawimawh tak a ni. He a thuchah avang hian Lalnu Estheri chuan dan pelin, a chipuite harsatna thu Lal hnen-a thlen turin Lal koh lohvin a lut tih thu ten a chhunzawm a nih kha.
Rawng kan bawlna-ah, hruaitu rawngbawlna hna kan thawhna-ah te kan inkaihhruaina angin a sawi chin ngo ngo-a mawhphurhna hlentu ni mai lovin, Krista leh kohhran tan thahnemngai takin, taima takin, dik takin, rawngbawlna fawng i vuan tlat ang u.
Comments
Post a Comment