Engtin nge nun nghet kan neih theih ang
ENGTINNGE NUN NGHET KA NEIH ANG LE?
“Hringnun-a kan thil tawn te leh kan vela mite’n min tilawm zo lo a nih pawhin LALPA tana nun a, nghet taka din chhunzawm zel hi kan mawhphurhna a ni”
Thu pawimawh : Pathian nena kan inlaichhinna aiin kan mihring puite nena kan inkar chin fel hmasak kam tum thin, Nun nghet nei turin kan bei (fight) tak tak lo thin, Thlarau chaw kan ei tam lo, Luang chhuak nun kan nei lo thin, Pathian ṭhatna kan hmu duh/thiam lo.
A tum : Nun nghet kan neih theih loh chhan hriatchhuah leh nun nghet nei tura puih.
THUHMA : “Mizoram mipui 87% hi kristian” tiin Census 2011 –ah record a ni a. Heng kristiante hi rinna-a kan din ngheh chin a inang lo thei hle. Kan pianthar aṭanga kum khat êm pawh a la ral hmá hauhin Salvation camping leh Revival Camping mamawh tak dinhmun kan hauh leh fur thin. Rinna-a kan din ngheh theih nana kawng pawimawh hi sawi tur tam tak a awm thei ang, chung zinga thenkhat chauh han târlan kan tum dáwn a ni.
PATHIAN NENA INLAICHINNA : ‘Ringtu-in kan inlaichinna kan ngaihpawimawh ber tûr chu Pathian nena kan inlaichinna hi a ni’. Midang nena inlaichinna kan ngaihpawimawh zâwk avângin khawvêl mi famkim lo awmkhâwmna ram-ah hian midang te nunah famkimna kan zawng a, kan thil zawn erawh kan hmuh zawh ngai loh tûr a ni si. Heng avang hi aniang “ani pawhin vanram a kai chuan ka kai hrim hrim” tih te hi a lo chhuah ni. Ringtu duhtak, vanram in kai lo ve ve ang tih pawh a hlauhawm a lâwm le? Pathian nena kan inlaichinna hi han dah hmasa phawt ila, ‘Aw! Lalpa, i thu-in le’ tihna ram atang chuan tupawh hi kan tan misual an lo awm ngai tawh lo a lo ni.
I BEI ANG : Thil thar kan neih reng rengin kan duh leh mamawh zawng tak a nih chuan hun engemaw chen kan hlim veng veng thin, mahse chu hlimna chu kan hriatloh hlanin a lo bo ve leh mai thin. Pianthar hlimna pawh hi kan mamawh leh duh dan azirin kan hlimpui chin a inang lova, kan hlimna pawhin min kal bosan hun a nei thin, chumi hnuah chuan kristian nun kan zawh ṭan chauh dawn a lo ni. Kristiana vanram kawng zawh chanchin-a, Thlemsama ang maia, Setana thlem theih ‘hetah zawk hian tihna lam apiang awn zel thei’ kan nihlohna tûrin LALPA-ah intichak ila, lungngaihna chirhdûp pawh tâwn ngai mahse ding nghet turin i bei fan fan ang u. Harsatna hi kan chhelna tih lanna tur a ni tih hrereng ang u.
THLARAU CHAW EI ANG: Miin chaw a nghei reng chuan a taksa thisen insiamna tur tlakchham avangin a lo chau a. ‘Mithiam te chuan tui tel lovin mihring hi ni thum chauh kan dam thei a, chaw tel lovin kar thum kan dam thei’ tiin an sawi a, mihring azirin danglam mahse,kkdchaw pawimawhna erawh a lang chiang viau awm e. ‘Bible chhiar leh tawngtai hi kristian te chaw a ni’ tiin sawi a ni thin, hei hi LALPA nena Inpawlna ti pawhin a sawi theih awm e. Setana hian khawvel lam chaw hi min hlui hneh khawpa kan duh hun huna ei tur min chhawp sak a ni ti ila a sual tam lovang. Kan thil hmuh leh hriat tam tak leh ei leh in theih tam tak te hi Setana chaw an ni. Lalpa nena inpawlna hi kan neih zin loh chuan rei lo te-ah kan thlarau nun chu a lo chau mai dawn a ni. Chuvangin kan thil tihna kawng hrang hrangah LALPA nena kan inpawl hi kan tihmakmawh a ni. ‘LALPA, ka lawm e, min hruai ang che’ tih ngawt pawh hi chakna tham inpawlna a tling thei asin.
LUANG/RAH CHHUAK NUN : Tui luang lai chu ngaihngam takin kan in mai thei thin, tui tling erawh a uih a, a lum pup a, , in en-ah kan en ngai lo. Kristian nun pawh hi belhchian leh ei tlak ni tur chuan a luan/rah chhuah a ngai. Thlarau rah tih hi hre lo kan awm tlem hlein a rinawm Galatia 5:22 –ah kan hmu a, heng nihna hrang hrang hi kan nunah a rah chhuah a ngai a ni. Heng zinga Lal Isua’n a ngaihpawimawh em em mai ‘Hmangaihna’ tih hi han uar bik ila, Paula pawhin ‘Hmangaihna hi dan zawh famkimna a ni’ a ti hial a nih kha (Rom 13 :10). He thil hi thlarau thilpek ringtute chuan kan neih theih a ni. Kan neih zawh tam poh leh kan nun a hlim ang a, lungawina kan nei ang a, remna thinlung kan pu ang a, lang theiin kan lo rah chhuak ang a, Krista avangin ringtu nun nghet kan lo nei dawn a lo ni.
TLANGKAWMNA : Ringtu nun nghet neih hi mihring theihna-a theih chi a ni lova, Thlarau Thianghlim tanpuina nen erawh a thil theih a ni thung. Mahse, mihring hian hun leh tha kan sen a ngai a, khawvel hlimna leh hamthatna te kan kalsan a tul ve bawk a ni. Nun nghet neih hi ringtu te kan awmdan tûr a ni tih hriain tiam chin lam i pan talh talh ang u.
THUHMA : “Mizoram mipui 87% hi kristian” tiin Census 2011 –ah record a ni a. Heng kristiante hi rinna-a kan din ngheh chin a inang lo thei hle. Kan pianthar aṭanga kum khat êm pawh a la ral hmá hauhin Salvation camping leh Revival Camping mamawh tak dinhmun kan hauh leh fur thin. Rinna-a kan din ngheh theih nana kawng pawimawh hi sawi tur tam tak a awm thei ang, chung zinga thenkhat chauh han târlan kan tum dáwn a ni.
PATHIAN NENA INLAICHINNA : ‘Ringtu-in kan inlaichinna kan ngaihpawimawh ber tûr chu Pathian nena kan inlaichinna hi a ni’. Midang nena inlaichinna kan ngaihpawimawh zâwk avângin khawvêl mi famkim lo awmkhâwmna ram-ah hian midang te nunah famkimna kan zawng a, kan thil zawn erawh kan hmuh zawh ngai loh tûr a ni si. Heng avang hi aniang “ani pawhin vanram a kai chuan ka kai hrim hrim” tih te hi a lo chhuah ni. Ringtu duhtak, vanram in kai lo ve ve ang tih pawh a hlauhawm a lâwm le? Pathian nena kan inlaichinna hi han dah hmasa phawt ila, ‘Aw! Lalpa, i thu-in le’ tihna ram atang chuan tupawh hi kan tan misual an lo awm ngai tawh lo a lo ni.
I BEI ANG : Thil thar kan neih reng rengin kan duh leh mamawh zawng tak a nih chuan hun engemaw chen kan hlim veng veng thin, mahse chu hlimna chu kan hriatloh hlanin a lo bo ve leh mai thin. Pianthar hlimna pawh hi kan mamawh leh duh dan azirin kan hlimpui chin a inang lova, kan hlimna pawhin min kal bosan hun a nei thin, chumi hnuah chuan kristian nun kan zawh ṭan chauh dawn a lo ni. Kristiana vanram kawng zawh chanchin-a, Thlemsama ang maia, Setana thlem theih ‘hetah zawk hian tihna lam apiang awn zel thei’ kan nihlohna tûrin LALPA-ah intichak ila, lungngaihna chirhdûp pawh tâwn ngai mahse ding nghet turin i bei fan fan ang u. Harsatna hi kan chhelna tih lanna tur a ni tih hrereng ang u.
THLARAU CHAW EI ANG: Miin chaw a nghei reng chuan a taksa thisen insiamna tur tlakchham avangin a lo chau a. ‘Mithiam te chuan tui tel lovin mihring hi ni thum chauh kan dam thei a, chaw tel lovin kar thum kan dam thei’ tiin an sawi a, mihring azirin danglam mahse,kkdchaw pawimawhna erawh a lang chiang viau awm e. ‘Bible chhiar leh tawngtai hi kristian te chaw a ni’ tiin sawi a ni thin, hei hi LALPA nena Inpawlna ti pawhin a sawi theih awm e. Setana hian khawvel lam chaw hi min hlui hneh khawpa kan duh hun huna ei tur min chhawp sak a ni ti ila a sual tam lovang. Kan thil hmuh leh hriat tam tak leh ei leh in theih tam tak te hi Setana chaw an ni. Lalpa nena inpawlna hi kan neih zin loh chuan rei lo te-ah kan thlarau nun chu a lo chau mai dawn a ni. Chuvangin kan thil tihna kawng hrang hrangah LALPA nena kan inpawl hi kan tihmakmawh a ni. ‘LALPA, ka lawm e, min hruai ang che’ tih ngawt pawh hi chakna tham inpawlna a tling thei asin.
LUANG/RAH CHHUAK NUN : Tui luang lai chu ngaihngam takin kan in mai thei thin, tui tling erawh a uih a, a lum pup a, , in en-ah kan en ngai lo. Kristian nun pawh hi belhchian leh ei tlak ni tur chuan a luan/rah chhuah a ngai. Thlarau rah tih hi hre lo kan awm tlem hlein a rinawm Galatia 5:22 –ah kan hmu a, heng nihna hrang hrang hi kan nunah a rah chhuah a ngai a ni. Heng zinga Lal Isua’n a ngaihpawimawh em em mai ‘Hmangaihna’ tih hi han uar bik ila, Paula pawhin ‘Hmangaihna hi dan zawh famkimna a ni’ a ti hial a nih kha (Rom 13 :10). He thil hi thlarau thilpek ringtute chuan kan neih theih a ni. Kan neih zawh tam poh leh kan nun a hlim ang a, lungawina kan nei ang a, remna thinlung kan pu ang a, lang theiin kan lo rah chhuak ang a, Krista avangin ringtu nun nghet kan lo nei dawn a lo ni.
TLANGKAWMNA : Ringtu nun nghet neih hi mihring theihna-a theih chi a ni lova, Thlarau Thianghlim tanpuina nen erawh a thil theih a ni thung. Mahse, mihring hian hun leh tha kan sen a ngai a, khawvel hlimna leh hamthatna te kan kalsan a tul ve bawk a ni. Nun nghet neih hi ringtu te kan awmdan tûr a ni tih hriain tiam chin lam i pan talh talh ang u.
Comments
Post a Comment