Christmas 2012

-
Kan ti let let a, aw hun te hi an zo a ni leh ta mai si a, khua a va har thin em. Kum 2012 Christmas hun chu hlim takin kohhran ho ten kan hmang a, Khawvel Mamawh Isua Krista tih thupui-ah kan hmang a, Tun kum chu ruai kan nawn a, hei hi duan lawk sa a ni. Thupui hi then niin, mi pasarih-in thuchah an sawi a ni.Pastor Rev C Lalhungliana pawhin christmas ni tak-ah hun a rawn hmang a ni.

Pa Ringa te in-ah kan zaikhawm a, zaikhawm te pawh a nuam thin fu mai.  

KNP te pawhin inkhawm zawng zawng zawngah hla kan rem thei a, heng hla te hi kan rem a ni
1  Chumi zan reh takah chuan
2  Eden huan mawi chantu Adama thlah
3  Khawvel Lawm nan a lokal a.
4  Kan chatuan Pa lenna run-ah
5  Ringtu zawng zawngte u,
6  Chanchin lawmawm, Angel ho thu ngai ru.
7  Aw van lengrual zaithiam te u.

Lalpa malsawmna changa KNP ten hla 7 lai kan nei ve thei hi ka va lawm tak em! Kohhran zaipawl pawhin hla thar kan zirlo a, hla kan thiam sa tha takin kan rem leh thei a ni. Lalpa chu fakin awm rawh se.

Kan tana lokal Lalpa chu fakin awm mawlh rawh se. Kan mamawhna che nitin Lalpa min hriat nawn tir fo ang che.


Comments

Post a Comment

Popular posts from this blog

Zuk Leh Hmuam Leh Kei

-
         Pathian hmangaihna duhawm tak mai chuan ka nausen tirh atangin min veng a. Zuk leh hmuam, ruihtheih thil lakah hi chuan kei anga fihlim chu tlemte an ni ang. Zu hi ka ka-ah far khat pawh a la lut lova, Dendrite pawh hi ruih tumin vawi khatmah ka la hnim lova, meizial hi naupan laia a bung kan zu ru ve thin a, ka zuk tawh zawng zawng hi zawm khawm ila, tlawn-1 chu a tling ve mahna. Tin, tuibur hi ka pu (C Thanlunga) vawi khat ka hmuam ru a, awi a hreawm ka ti lutuk.Sahdah hi vawi khat mah ka la hmuam lova, Khaini erawh hi chu Mualpui-ah bawm thar hlak ka chhar a, ka hmuam ve ngawt mai a, ka rui chu kan High School bul Sharon kungah ka mu let der mai. Ka sim chiang khawp. Ruih theih chi Damdawi pawh engmah tih ka la nei bawk lo a ni. Kuva erawh hi chu ka ei ve zeuh zeuh mai a, ka ei tawh zawng zawng hi 20 vel a ni ve tawh ang a, ka ka a sen thei lutuk, ka ei thiam hlawl lo!           Ruih theih thil,zuk leh hmuam-ah hia...
Read more

Science Exhibition ah Pahnihna

-
Dt 22-23 August 2013-ah hian Lunglei District huam chhhunga Elementary leh Scondary school-te tan  Science Exhibition buatsaih a ni a, kan school atangin Zawmpuii Cl - x chu a  tel ve a, model te buatsaihin Analysis of fat chungchang ka tihpui a ni. Tichuan, tluang takin kan nei zo va, ka rin phak piah lam leh ka beisei ruk tho si Exhibition result chu puan a ni a, Zawmpuii chu pahnihna a lo ni a, ka lawm takzet a ni. Lalpa zarah he hlawhtlinna Rawpui High School-in kan chang thei hi a va lawmawm teh lul em!
Read more

Thalai Aw Enkawl Hna

-
Ka hringnun hian malsawmna nasa tak a dawng thin a, chung zinga ka lawmna chu Thiamna Leh Hritthiamna min pek hi a ni. Kum 2012 a lo inherchhuak a, Pangzawl Bial TKP Chanchin bu 'Thalai Aw' chu kan unit (TKP) in kan enkawl a ngai a, hruaitute kaltlangin Pathianin Thalai Aw enkawl hna thawk turin min ruat a. Kan piantirh ata ka la nih ngai hauh loh Editor hna chu ka chelh a lo ngai ta a ni. C omputer thiamna-ah hian eng certificate mah ka nei lova, kum 2006 ah khan  Lunglei Polytechnic-ah IYr BSc Result ka nghah laiin Vocational Training thla 1 chhung ka zuk attend ve a.Microsoft Office application chu a ziarang deuh chu ka zuk hre ve nial nual hman a ni. Hemi hnua-ah hian College ka kal chhung leh University ka kal chhungin ka khawih chhunzawm ta lo hrim hrim a. University Computer centre-ah vawi hnih chu ka leng lut ve chauh a ni. Computer backround tam tak nei lo mah ila, Lalpa hian min duh ve a niang, mahni intumchawp zelin ka mamawh ang tawk thiamna min rawn pek b...
Read more