Zai leh Kei

Naupan lai atanga zai ngaina mi tak ka ni a, zaithiam ve riauin ka inhria a,kei aia zaithiam hi an awm bik hian ka hre lo thin. Zai ka ngainat em avangin, ka pa'n KNP Guitar hlui an lilam  Rs 500/--a min tlansak ka khalh zawr ve hnap pawh rilru-ah a awm reng mai. Vawi khat phei chu,KNP-a kan awm laiin kan zirtirtu (U Ruata)'n "Tunge zai chak in awm em?"a ti a, "keimah" tiin rang takin ka chhang a, kha laia Mama min mitmei dan te pawh kha ka la hre reng mai. KNP Inkhawmpui-a solo tur contestant-ah ka tel a,ka tling tlat lo. 

Hun a lokal zel a,tuina a ni bawk a. Sailova te ho lo larchho chuan min influence ve hle mai a, a style te nen ka'n kal chho ve ag bawp bawp a,hlawhthlinna langsar erawh ka chhar lo. Kum 2002-ah khan Cl-ix ka zirlaiin kan sport-ah Indoor-item-ah solo a tel ve hlauh mai a, phur takin ka tel ve a, Sir Bta te judge-na hnuai-ah 2nd-Na ka ni ve a, ka lawm kher mai. Sangpuia(Keltan) 1st-na a ni a, hemi tum kan sport-ah hian mimal-ah chuan kan house tana point hlawh chhuak hnem ber ka ni. Hemi tumlo hi chu zaina tur chance High School-ah kanei tawh lo.

Tichuan, matric ka han zir zo va, lungleng thei tak ka nih avang hian,kan tukverh-a dakchhuak meuhvin,Thangnang tlang Chhawrthlapui eng thlira ka zai chang a awm tlat. Ka ngaihtuah chuan kum-14 velin Love song zan dar 10 bawr vela han sak ve vang vang chu, mak ka inti ve deuh,mahse,min drive tu a awm tlat si a ni. 

Lehkha ka zir reng reng hian, rimawi ring thei angbera play duh chi ka ni a,ring takin note ka chhiar a, a changin ka tape  ngaihthlak ka zawm leh chiam thin a, chutiang chuan ka rilru min tiphur em em thin a ni.

Tichuan, Cl-xi chu Serkawn-ah ka zuk zawm ve a, YMA Hostel,Bazar vengah awmin,Siamtea nen room khat kan luah a.Ka guitar Rs 500/-man kakeng thla a,ka zai nasa thin khawp mai. Ka haw hi naupan tet lai atanga sawizawi thang ka nih avangin a ni vin' ngaihnoi a bei a,mahse ka origin ka phawrh lo ve thin hle, BHSS Serkawn-a ka kal chhung hian Class-xii ka zirlai (kum 2004)-ah Week kan neihna-ah "Chhawrthlapui Aw Zan Lalnu" tih  hla chu 2nd-na ka nih pui a ni. Silver medal kan awrh ve at mai chu ka lawmna a angdai khawp mai.

Tichuan, kum 2005-ah Pachhunga University College-ah BSc ka zawm ve a, College vengah in luahin Ziktea leh Apuia nen kan khawsa ho va, hemi tum pawh hianka guitar bawk chu kan chhawm phei ve leh a,ka cousin Ziktea pawh zaiah a tui khawp mai. thenawm te'n ka zai ngaihthlak a nuam an ti thin hle a, zaithiam hi ka inti vawng vawng thin.

I Yr BSc ka zirlai chuan College Week a awm ta a, chutah chuan zaia tel ve ka duh thu kan leader hnenah ka thlen ve a, chance ka nei ta. Kan College Auditorium-ah " Aw Kawnge,Lenrual hlui zawngte Kha" tih hla ka han thlawh chiah mai chu'h, audience ho thawm a tha-in,an au nasa hle mai,min thlirtu kha ti zozai-in ban vei dual dual-a min han support kha chu a nuam dang dai khawp mai.Khatiang ang sound system(Delta Sound) tha a, ka vawi khat zaina a ni bawk a, zai hi a nuam veng veng mai a ni. chumi competition-ah chuan Mizo-ah 1st-na ka ni a, FP-a tiin ka lar a,ka kal chhung zawngin College-ah chuan FP min ti thin. Hemi kum (kum 2005)-ah tho hian kan Cultural SU Leader, U Johana'n Mizoram university solo Competition-ah zai turin min thlang a, hemi tum hian Vana Pa Hall-ah,' Aw khawnge lenrual hlui zawngte kha' tih hla tho kha 2nd -na ka nih pui leh a ni.

II yr BSc ka zirlai pawhin College Week-ah tho Mizo hla-ah "Run Mawi" tih hla 2nd-na ka ni leh a,a nuam leh khawp mai. 

Kum 2007 IIIyr BSc ka zir kumah hian Mizo section-ah chuan ka tel tawh lova, English-ah ka tel a,hemi tum hian 'You Raise Me Up" tih ka sa a, 1st-na ka nih pui leh bawk a ni. Hemi tum hian ka lawm hle mai a, english section bik-ah 1st na ka ni hei hi a ropui ka ti a, lawmman ka lak tawh dang ai mahin ka lawmna a sang a ni. Pathian hian min chawisawng a ni.

Hemi bak hi chu competition-ah in lanna ka nei lem lova. Amaherawhchu, LPS Youth icon-ah erawh Elimination round-ah tum hnih eliminate ka ni. 

Zaia Lawmman ka lak tawhte:
2002: Silver Medal Pangzawl High school week solo Competition.
2004: Silver Medal in Baptist Higher Secondary school Week.
2005: Gold Medal in Pachhunga University College Week. (Mizo section)
2005: Silver Medal in Solo Competition organised by Mizoram University and Cultural                 
           Department, Gov't of Mizoram.
2006: Silver Medal in Pachhunga University College Week Mizo Section)
2007: Gold Medal in Pachhunga University College Week (English Section)

Lalpa Fakna'n ka zai ang:
Amah fakna turin aw tha tak Lalpa'n min pe a,a mah fak nan ka zai zel ang.