51st Teachers'Day

Teachers'day vawi 51-Na chu Rawpui Educational Service organised-in Rawpui Community Hall-ah kan hmang ve a. Hun hlimawm tak hmangin a lunglenthlak khawp mai. Rawpui khawtuala zirna in zawng zawng atanga kalkhawm kan ni bawk a,kan tlim ve hmur mai Chairman Pu C Lalzara'n programme min kaihruai a. 

 Programme kimchang erawh ka tarlang lo mai ang. Gov't M/S student te'n 'BUL TAN THATLOH PAWINA' tih thupui hmanga skit min entir chu thlir a nuam hle. Tin RCES naupang ten 'Solution of special Problem of Student' tih min entir bawk a,hmuh an nuam khawp mai.

 Khawtlang hruaitute, zirtirtu te atangte-in thuchah tha tak tak ngaihthlak a ni a, naupang solo leh Group zai che vel pawh an hmihnawm khawp mai. A bikin, Gov't P/S student te'n Roll away leh Are You sleeping tih action-a an rem pawh an hmuhnawm khawp mai.

 Chawimawina Parthi ka awrh ve a, a ropui ka tiin,a ngaihhlutawm ka ti khawp mai. hetiang dinhmun-a min hlang kaitu, LALPA chu fakin awm rawh se.   

checking new

 here I go

Science Exhibition ah Pahnihna

Dt 22-23 August 2013-ah hian Lunglei District huam chhhunga Elementary leh Scondary school-te tan  Science Exhibition buatsaih a ni a, kan school atangin Zawmpuii Cl - x chu a  tel ve a, model te buatsaihin Analysis of fat chungchang ka tihpui a ni.

Tichuan, tluang takin kan nei zo va, ka rin phak piah lam leh ka beisei ruk tho si Exhibition result chu puan a ni a, Zawmpuii chu pahnihna a lo ni a, ka lawm takzet a ni. Lalpa zarah he hlawhtlinna Rawpui High School-in kan chang thei hi a va lawmawm teh lul em!

The 51st TKP Khuanghlum unit Raising Day Celebration

Pathian Hruaina duhawm tak changin, kan TKP Rising Day vawi 51-na chu hlim tak leh 

hlawhtling takin kan hmang leh thei ta.

Kan hman dan report tawi han tarlang ila.

1st Session :Inkhawm

Chawhma lamah 

Biak In ah inkhawm a ni a Pu C Lalremruata'n min kaihruai a ni.

 

Group zai:

Stephana Gr:   Sual thim thuk takah pila ka vah bo laiin.

Timothea Gr:  Zaiin ka hril dawn i hmangaihna hi.

Andria Gr:      Lei leh van thil zawngte aiin ka Lalpa kross ka chhuang a.

Solo:

Nl B Lalthanchami leh Pu C Thangzika te'n thiam takin min awi a ni. Cham chami hian"hun kha leh chen Lalpa vah bosan thin chein" tih hla a sa a, Pu Ziktea hian 'Nang fak zel che hi ka duhsam ber a ni' tih hla a sa bawk a ni.

Thuchah:

Lalpa hian a hmantlak ni túrin min buatsaih reng a, hetiang atan hian kan lo inbuatsaih ve a ngai a, tihtur kan nei ve a ni. LALPA hian kan sual zep ruk zawng zawng hi min hmu vek a, midang hriat loha kan thiltih/mobile-a i thlalak/video dah pawh a hmu vek. LALPA hma ah hian kan sual zep ruk neih te hi kan phawrh ruah vek a ngai a ni.

Tunlai taka awm ve ringawt hi kan tihtur a ni lo. Ringtu kan nih angin kan tihtura mawi kan ti thin tur a ni" tiin fuihna thu a sawi a ni.

Dar 1:00pm ah chawhnu programme YMA Hall ah tan a ni. Pu PL Lalmuankima'n kan infiamna hun a hawng a. Items chi hrang hrang ah hetiang hian infiamna neih a ni.

INVAWKPUI NAWR:

Group hrang hranga OB i/c ten he inelna hi an bei a. Stephana Gr(Pu Hmingmawi leh Pu Siama) te chuan Timothea Gr (Pu Faka leh Pu Pu Roa) te an phin darh hnuah Andria Gr (Pu Kimtea leh Pu Ziktea) an tukdawl leh a ni. (Andria gr OB i/c pakhat zawk Pu LP Vanlalsanga hian a ngal rek a vawn phak loh avangin disqualify a ni he heB-))

Maida Games:

Maida Games hmuhnawm tak kan en a, mipa lamah Tv Lalliansanga'n a hap chhuak rang ber a, hmeichhe lamah Nl C Zothankimi'n a pet fuh rang ber a ni.

INSUKNAWR:

A va hmuhnawm biah biah em, Final-a Pu Tiama'n hneh tak a Tv Hertea a nawr phin thlu lai ka hmu hi ka va vannei em. Chutiang chiah chuan Nl J Puipuii'n Am-i a tawkzal lai kan han hmu leh phur taka a ban a han phar kual vel hmuh phei chuan, rilru a chawkphurin automatically -in kan au chiam mai zel a nih kha.

BADMINTON

Kan member te badmintonah pawh an lo duai lo hle mai. Mix Double-ah Nl Tluang tluangi leh Tv Dinpuia te an champion a, Double ah Pu Zodinga leh Tv T Hmangaihzama te inkawp chu an chak ber a ni.

Musical Chair:

A hmuhnawm a, sawi tur lah a tam, Nl Chamchami chu last standing a ni a, Nl Asaii pahnihna a ni. Tin, Nl B Sawmi pawh thutthleng chuh chakah pathumna a ni bawk.

INHRUIPAWH:

A hmuhnawm ti lo lo chu an daw duai. Chak ngei ngei tum Stephana Gr Leader Pu K Biaka, Pu Thlengte, Pu Chuau leh Tv Taia te chuan an khingpuite an rap sawr hneh hle. Referee Pu LP Sanga'n an Group a han tan a a han vaipui te kha, Proffessinal referee min ti ngai lotu a ni. A van nuam em.

Hei le Champion!

Items pakhat zelah 1st in point 10, a pu a, 2nd in point 7 hmuin 3rd in point 5 an hmu a ni Tichuan Point 116 hmu tu Stephan Group chuan Champion Nomawi an nei ta Rs 500 an dawng a ni. Point 97 hmunin Andria Group pahnihna an ni a Rs 300 an dawng, Timothea Group te chuan point 75 hmuin, Rs 200 an dawng a thiam takin hnung an dawl a ni.

Lawmna te :

Tun ang huna TKP Day hun hlung taka min hman tir thei tu LALPA chu fakin awm rawh se. Kan tawngtaina chhanin a awm a ni.

Kan lawmman sem Rs 1000/- hi Pu PL Lalmuankima Pachuau in min tum sak a ni a, kan lawm takzet a ni.

Group hruaitu te member te chawhhlim an thiam takzet a, hmuhnawm tih tham a tling.

Member tin ten kan kova tih tur awm te kan tihlawhtling thei zel a, a lawmawm hle a ni.

Kan Veteran Pu T Lalthangmawia, Pu H Zadingliana, Pu C Lalromawia leh Pu C Vanlalhluta te'n tui takin sawhchiar min siam sak a, kan lawm takzet a ni.

Kum 2013-a Lalpa min hruaina kan chan tawh zawng zawngah Lalpa chu fakin awm rawh se.

Bawnghnute Sem College Naupang chu

Min vengtu chu Lalpa a ni, tlachhamin ka awm lovang; A thatna dang chuang ngai lo kha chatuan ka ta  lo ni

         Lalpa min hruaina lamtluang-ah hian thil tawn tam tak ka nei ve a, mahse, mite anga han chhuan tur erawh tih ka nei lo. Tun tum-ah hian College ka kal laia ka hun hman dan share ve lawk che ka duh a, ngaihnawmin, bengvarthlak loh mahse, ka tan chuan ka tun hma nun hun hlu a nih ve dawn tlat avangin, ka chhuang a, dawn kir pawh nuam ka ti thin.

           Pathian min kaihhruaina duhawm tak mai changin lehkha zirna kawng-ah rual pawl tawkin ka awm ve a, kum 2006 January thla a lo ni a, keipawhin II BSc ka zir ve a, ka cousin, Apuia leh Ziktea nen Republic Vengthlang Aizawl-ah in (Ka Pi Thuami In) kan luah ve a, ka nun a hlim thin hle a, phak ang tawkin kohhran ka bel bawk a, ka harhvang hle.

Inhlawhna tur ka hmu

          Tichuan, kan chhungkua kan harsa si a, inhlawhna hun kan nei hlei thei bawk si lova, in luah man, ei leh in tur te, ka pa te'n an tum vek ai chuan tiin inhlawhna tur ka duh thin hle a. In sak-ah te inhlawhin hun ka hmang ve thin. Tichuan, tum khat chu Bawnghnute sem-a inhlawhna tur a awm tih ka hre ta a, zing kar hna a ni a, a that dawn viau chu a tiin, Pu F Lalnienga, Republic, Vety Mual, Aizawl te nen chuan kan inberem ta a ni. Zing kar-ah quary atangin vai te'n an lo dah chho thin a, chu chu College Veng leh Venghlui area-ah te ka sem ta thin a ni. 

Ka tah hun a awm thin 

Regular taka thawh a ngaih avangin leh min lo chhawk teh intihna chi a ni lova. Tichuan bucket hring litre 30 dawng- chu khaiin, a tehna tur Pava No nen kawla ni chhuak chhiarin ka bei a. Duhsaktu leh min lainat tu ka va ngah tak em! Tun hnua ka ngaihtuah leh chang hian 'Aw ka tan an va hlu em'. Tichuan, khua hian duhthu a sam reng thei lova, fur khua a rawn thleng chho va, zing thawh chhhuah chuan hrehawm chin a lo awm lo thei si lo. Ka thawkchhuak a, ruah a sur avangin nihliap ka khum a, bucket khai nen no ken bawk nen, ka kut chu a indaih ta lova, ruah chu ka do mai zel a, kalkawng nala ka tluk chang a awm, a va hrehawm teh lul em, ka bawnghnute khai lei chu a buak chang a awm bawk nen, ka inngaihtuah chang chuan ' Aw he hna hi chu aw!' tia ka indawm kun chang leh ka tah chang a awm thin. Mahse, kan inluah man tur tal tia ka ngaihtuah a ngai bawk si a ni. Vawi khat phei chu Venghlui-a ka bawnghnute pe tur ka thu chu ka kekawr mang a lo tet thla hnawk mai a, a kap chu a kaw chiang hle mai a, ka va han zak tak em! Kha thil kha ka hun kal tawh zinga ka zah ber tum a la ni hial ang.  A nuizatthlak bawk a, a rilru nat thlak a, a runthlak hle a ni. Mahse Lalpa chuan damna te, tumruhna te, dawhtheihna te, tuarthiamnate, ka mamawh engkim mai hi min pe a lo ni a, ka lawmin ka hlim em em thin a ni.

         He ka hnathawh ah hian Rs 850- 1500 inkar ka hlawh chhuak thin a, ka tan chuan a va hlu em! Lalpa hnenah lawmthu ka sawi mawlh mawlh thin a ni.

Thutawpna :

                  He ka chanchin hi tunah chuan ka nun tihlimtu leh min chawmtu an ni ta. Damna, Hriselna min petu Lalpa chu fakin awm mawlh rawh se. Inhlawhna min siam tu Pu F Lalnienga te chhungkua leh mi duhsaktu zawng zawngte chungah lawmthu ka sawi takzet a ni

Hringmi nuna thleng thin hi

Kan rel leh ruat a ni lo

Jakoba Pathian ngei chu

Ro min rel saktu a ni

Kan Puithiam Krista zarah

Amah chu kan Pa a ni

Hmangaih tawp lova hmangaihtu chu! Amen        

Thihna ka hnaih laiin Isuan min awmpui

Ni 26th Januaruy 2013 zan dar 10:15 a ni a, Ni Nubawihi'n min lo phone a, Keitum-a a awmthu leh an in a kan thu min hrilh a, hruaitu tura min duh thu a sawi bawk a ni. Ka va han chak lo ngai em! Lawngtlai-ah Mami te inneihna kan hmang haw chauh a ni a, ka taksa pawh a chau ve hle a ni. Mahse,a dinhmun chu ka dinhmun-ah ka han chan chhin a, kal chu tha ka ti hle a,mahse ka zuam mawlh lo a ni. Ka pa'n min ngen avangin dar 10:45-ah Matea (Rindika, ka ni fapa) nen kan Maruti 800 chuan  Aizawl lam pan chuan kan phei ta a.

Kan tlan ve par par mai a, kawng thlang thil te chu ka hmuhsual leh zauh zauh thin a, Ni Nubawihi chu Keitum-ah lam pheiin kan tlan leh ta a, zan rei a ni a, motor High Beam awm lo nen mit a hah duh hle, kan tlan chhung khan rei hi ka ti em em zel mai a, mak tak a ni.

Tichuan, tluang tak chuan kham chheng chhe lai hmun te chukan han tlan pel tan a, Aibawk kan thleng ta a, chawllova tlan zelin tape te chu ka ngaithla a, boruak a vawt a, ka mut a chhuak tan a (mahse, ka mut a chhuak tih ka hrethiam lo), motor chu ka herh kawi lo tep tep tih erawh ka hria a, mahse, zan-a ka vawi khat tlanna a nih avangin mut chhuak ka hrethiam tlat lo. Matea leh ka ni chu tui takin an mu a.

Dar 3:15 a ni ta. Muallungthu thlen dawn ah chuan vawi lehkhat-ah ka motor ngei mai chu a ri ta chawrh chawh mai a.Ka harh chiang kher mai. A va pawi tak em ka ti mawlh mawlh mai a, kan accident tih ka hriat chuan, ka chhuak a kawng chhak-ah motor chu a ke hmalam vei lampang kang vekin a awm a, lung lian tak pakhat hian kan motor za-ah chuan a lo kam hi a lo ni a, kan leh lohna chhan chu chu lung chu a ni.

Isua'n min veng a ni:

Khatianga chianga muthlu  si kha, kawng thlang lam pang-a tlan liam lova, kawngchhak lama min chetsual tir tu leh  kan nunna min ven sak tlattu Isua a ni tih ka nun hian chiang takin a hria a ni. Lalpa ka va lawm tak em. Tin, motor pawh a chhe nasa lutuk lo a, vanduai-ah chuan vannei tak kan ni. 

Vai Pick Up lokalin kan phar ding a, tichuan, kan motor a nun theih loh avangin khawvar kan nghak ta a, Pa Muansanga (Aizawl) lokalin kan motor chu a rawn ti nung mai a, Aizawl lut lovin, muang fan takin kan haw a, rilru-a ngaihtuah let leh chang chuan a rapthlak hle mai. Engpawhnise, ka nunna hi Lalpa ta a ni tlat a, ka hlim em em a, min hruana zawng zawng-ah lawmthu ka sawi nawn tak meuh a ni.

Secretary Hna ka kut-ah

Min hrechiangtu Lalpa hian ka hnenah hian beiseina a nei tam tih ka hriat rualin ka tlinlohna leh fellohna nasa tak hianmin ti chau thin.Mahse,Lalpa, ka laka Beiseina nghat a, khawngaih rawngbawlna hna minpetu Lalpa chu fakin awm mawlh rawh se.

Ni 31 December 2012-ah TKP inthlanna kan nei a, heng mite hi thlan chhuah an ni:

President :       J Lalhmingmawia

V President :   LP Vanlalsanga

Secretary  :      FP Laltlankima

Asst Secy  :      LH Rothangpuia

Treasurer :      B Lalfakmawia

Fin Secy    :      B Lalsiamkima

Lalpa kan lama a tan chuan engmah zamna tur a awm love. Min hruaitu Lalpa lo ni mawlh rawh se. 

Kei ve mai mai Lalpa'n a rawngbawlna hun min pe a, chanvo min siam ve hi Lalpa chu fakin awm mawlh rawh se.